شعر شعبي عراقي


عزيزي الزائر / عزيزتي الزائرة
يرجى التفضل بتسجيل الدخول إذا كنت عضوا معنا
أو التسجيل إن لم تكن عضوا وترغب في الأنضمام الى أسرة المنتدى
وسنتشرف بتسجيلك
[right]أسرة المنتدى[/right

منتدى يختص بشؤون وشجون الأدب الشعبي العراقي.


    قصيدة (أشلاء من جثة حقيقية) للشاعر الشاب (أمير المالكي)

    شاطر

    Admin
    Admin

    عدد المساهمات : 36
    السٌّمعَة : 2
    تاريخ التسجيل : 04/05/2010
    الموقع : شعر شعبي عراقي

    قصيدة (أشلاء من جثة حقيقية) للشاعر الشاب (أمير المالكي)

    مُساهمة من طرف Admin في 2010-07-30, 12:08 am

    السلام عليكم
    اليوم جبتلكم قصيدة كلش حلوة ومؤثرة للشاعر الشاب (أمير المالكي)
    وانشاء الله راح تعجبكم


    شفت كلشي وبيه كلشي
    شفت واحديمشي دربه
    شويه يمشي هواي يمشي
    اهناك واتفجر طريقه
    وشفت كلشي وبيه كلشي
    شفت جف ايأشّرلنه هناك ميت
    طلع موأنسان ميت
    ثاري مكتوله الحقيقه
    انصلبت ابخشبات عيسى
    وطاحت اعله الكاع سكته
    ابساعة جانت وحشه كلش
    والشوارع كلهه ميته
    شفت ناس امشوهيهه
    علّكوهه ابغصن شجره
    صوره بعيون البلابل
    وأكوواحد بذنه صوت ايكله موت
    كاعد ابحلكه جكارة صرخ صرخه
    شكّك آذان السكوت
    مات تغريد البلابل
    مرّ عله عيون الحدايق صوته طيف
    صار كل بستان وحشه
    ورسموا ابوجه السواجي الورده سيف
    صاركل بستان وحشه
    شفت متعلكه اعله بابه
    صوره مليانه جماجم
    شفت بيهه الناس تمشي ابلايه راس
    وشفت بيهه الراس يمشي ابلايه ناس
    آنه احذرك لاتجيهه
    النجمه نزعوهه ضواهه
    ونزلت اعله الكاع ظلمه
    وخاليه من النوراديهه
    صاحت ابنص الشوارع
    جدّت ابنص الشوارع
    (وينكم يهل الرحم يامحسنين )
    مرني عوز اوشفته عوز
    بعيني هاي
    افلوس ماريدن بديه
    خلوا بجفوفي ضواي
    والصوت شنقو بالجوامع..بالكنائس.. بالطريق
    عله بيبان المكابر
    علّكوا للصوت جثه
    والحبل ملتفّ عليهه
    شفت عدنه الخوف يعله
    شويه زاد شويه زاد .. وقلع بيبان السمه
    وعين كل الغيم طاحت
    هسه ماتمطرلي ماي اتذب دمه
    وبين كل ذني الشفتهن
    شفت صوره آنه عجيبه
    عيسى نزلوه من صليبه
    وصعّدوا طفله خطيه
    شايله وياهه مدينه
    وبين جفهه ابعيني شفت اتشيل ناس
    ابنصهه تمثال الرصافي
    وشفت نهرين اعله خدهه
    كل نهر من يجري طيبه
    وخايف ايصلبوهه سكته
    وهذي بغداد الحبيبه
    الشالت اجسور المحبه
    هسه زرعوا بيهه غابه ابلايه باب
    وخايف ايمرّ يوم بينه
    انشوف بغداد السلام اعله التراب
    هسه خل نلحك عليهه
    وخل نطش ابكل شوارعها حنان
    وخل نحطّ ابجفهه ورده
    ايمرّ عطرهه اعله الشعب جنة امان
    وخل نصيغ ارواحنه احزام ابخصرها
    ومانحط ماشه ابشعرها
    خل نجيب انجوم تضوي ... انجوم تضوي
    انجيب وانطشّ ابشعرهه

    avatar
    علي بن حسين

    عدد المساهمات : 25
    السٌّمعَة : 0
    تاريخ التسجيل : 10/02/2014
    العمر : 21
    الموقع : مملكة الفرات والنهرين

    رد: قصيدة (أشلاء من جثة حقيقية) للشاعر الشاب (أمير المالكي)

    مُساهمة من طرف علي بن حسين في 2014-02-11, 7:46 pm

    يسلمووووووووووووو
    avatar
    علي بن حسين

    عدد المساهمات : 25
    السٌّمعَة : 0
    تاريخ التسجيل : 10/02/2014
    العمر : 21
    الموقع : مملكة الفرات والنهرين

    رد: قصيدة (أشلاء من جثة حقيقية) للشاعر الشاب (أمير المالكي)

    مُساهمة من طرف علي بن حسين في 2014-02-11, 7:49 pm



    احبج لما احبج ما اعرف شنو يصير فيني يا عمري انتي قلب يا بعد قلبي































      الوقت/التاريخ الآن هو 2017-11-20, 11:25 pm