شعر شعبي عراقي


عزيزي الزائر / عزيزتي الزائرة
يرجى التفضل بتسجيل الدخول إذا كنت عضوا معنا
أو التسجيل إن لم تكن عضوا وترغب في الأنضمام الى أسرة المنتدى
وسنتشرف بتسجيلك
[right]أسرة المنتدى[/right

منتدى يختص بشؤون وشجون الأدب الشعبي العراقي.


    قصيدة(البلوى) للشاعر (جبار رشيد)

    شاطر
    avatar
    خط وهمي

    عدد المساهمات : 35
    السٌّمعَة : 1
    تاريخ التسجيل : 22/06/2010
    العمر : 35
    الموقع : Iraq

    قصيدة(البلوى) للشاعر (جبار رشيد)

    مُساهمة من طرف خط وهمي في 2010-07-09, 12:04 am




    السلام عليكم


    جلبت لكم اليوم قصيدة للشاعر المبدع (جبار رشيد) أتمنى أن تنال استحسانكم





    بعد ما ادير ظهري
    الياهو الچان
    او وصل حد الحذر حتى اوية اخوتي
    بلوة امن احچي
    من اسكت بلوتين
    وحچي اليكره صفة رابع بلوتي
    اشتريت وادري بيهم
    ما ينفعون
    وقبل( العمله) خسران بشروتي
    ليلي العلماهم ...
    رمي الچيلات
    الحرامي منكتل كتلوا هدوتي
    مشيهم مرتبك
    يتوسل الگاع
    وانه الگاع اثبتها بخطوتي
    البعض منهم يسولف
    ما حچوا بيه
    وانه الناس يحچون بسكوتي
    ما يسكت ابد ما
    خايف اعليه
    جروح (الفقرة) انه الطلعن صوتي
    انه مهر البخت
    والعزة والطيب
    اتطشر خير عثراتي وكبوتي
    ما ذليت مره
    الدنية مطراد
    الدرب يعرف حجم دوسة (حذوتي)
    ما اصيرن اسد
    هم بيه خلل هاذ
    ذلة الصيد التجيبه( لبوتي)
    ما دورت راحه
    وشهدوا الايام
    اول ما صرت دورت موتي
    الفاتن علي
    اعرف مشن وين
    وما نادم على الگلتلها فوتي
    (كنز )عندي ويعيش
    لولد الاولاد
    محبة الناس كل كنزي وثروتي
    الاگي الما يحبني
    بطيبة السان
    واگله العشگ بلواي وسلوتي
    مرض بيِهٍ المحبة
    وخايف اعديك
    وما تستاهل انقلك عدوتي
    خيره ادلالي
    ومعلمه الفناجين
    وعلى اليكرهني ما تبخل گهوتي
    ومن احتاج قدوه
    ابعض الاشياء
    ابوي وغيره ما يصلح قدوتي


    _________________
    "آه لو تدري حبيبي...كيف أيامي بدونك...تسرك العمر وتفوت"

      الوقت/التاريخ الآن هو 2017-09-27, 4:07 am