شعر شعبي عراقي


عزيزي الزائر / عزيزتي الزائرة
يرجى التفضل بتسجيل الدخول إذا كنت عضوا معنا
أو التسجيل إن لم تكن عضوا وترغب في الأنضمام الى أسرة المنتدى
وسنتشرف بتسجيلك
[right]أسرة المنتدى[/right

منتدى يختص بشؤون وشجون الأدب الشعبي العراقي.


    أبوذيات روعة

    شاطر
    avatar
    خط وهمي

    عدد المساهمات : 35
    السٌّمعَة : 1
    تاريخ التسجيل : 22/06/2010
    العمر : 35
    الموقع : Iraq

    أبوذيات روعة

    مُساهمة من طرف خط وهمي في 2010-07-09, 12:37 am



    السلام عليكم

    اليوم جبتلكم أبوذيات كلش حلوة

    أتمنى تعجبكم










    الكلب سلمتَه بيدَه وردَ منَ
    يمن فدوَ رحتلَه ورد منَ
    اخذ كلبي من اديَ وردَ منَ
    وحرت ما بين كلبي وبين اديَه
    ]سنان الزهيري[
    محني أيام هجرك وردمني
    عساك بحال اسوء واردَ مني
    اجَه البطران رايد وردهَ مني
    وأنَه العاكول ما ينشتل بيَ
    ]مجهول الهوية[
    عجيبة شلون ما سموك وردَه
    يا حالي حالة المجنون وأردَه
    بحديقتنَه يا ريت تصير وردة
    وأشمك كل صباح وكل مسيَه
    ]مجهول الهوية[
    الله من الكمر خالق وجه لك
    شلون أنساك يا معود وجهلك
    أفكر بيك بكماطك وجهلك
    وأحبك وأنت تلعب ليَ ليَ
    ]جبار رشيد[
    هاك اشعل كلب كلبي ووج هاك
    على حالي راح أعلمنك ووجهاك
    بشالك من تلف شعرك ووجهك
    تلف روحي مثل لف المنية
    ]جبار رشيد[
    سبحان الذي صور ويه لك
    اليشوفك ينشده بالَه ويهلك
    أغار عليك من تحجي وي أهلك
    وأذا وي الغريب شلون بيَ
    ]مجهول الهوية[
    لجَ من لجَ لغيرك ما لجأ لك
    الياما لجت لجلَ ما لاجالك
    الحسبتَ من إجالك مال إجالك
    طلع خيط بحلم ورفع شويَ
    ]علي سلمان غالي[
    تتوب شكثر رادوا ما تبوهَه
    عجب هيَ تبيكم ما تبوهَه
    عكبكم روحي طفلة ومات أبوهَه
    عليكم حزن حزنت ماكو أخيَه
    ]شاكر التميمي[
    ابسمه كلبي لمع حبك وفاقاه
    إلك حبي بكثر حبك وفاقاه
    أعيش بعسر بغيابك وفاقاة
    ويجيني اليسر من تكبل عليَ
    ]محسن الجوراني[
    أنَه لربعي جنت شجرَ وخيمَ
    وأنَ الما جنت أي صاحب وخي ما
    العواقب شو إجت هسَ وخيمة
    بفيي وحرموا فيي عليَ
    ]علي سلمان غالي[
    بحر ساكن بطبعي ونتَ ماءي
    إذن صعب إنتماءك ونتماءي
    إذا أكلي ومنامي وإنتماءي
    أعوفك تدري معناها شنيَ
    ]محسن الجوراني[
    إحس إنكلبت الدنيَه ولفلاك
    يوم الدورت غيري ولف لك
    أكطع جنت من كلبي وألف لك
    وأنتَ تلف زهر وتدس إليَ
    ]مجهول الهوية[
    بألف ساعي الوكت بلهم سعالي
    صحت حد ما صدك بين سعالي
    نخيت ابن أمي ما كصر سعالي
    نزع هدمي وزرع سجين بيَ
    ]مجهول الهوية[
    ذبت وبنار هجرك مايع آني
    ويعاني الكلب منك ما يعاني
    إلك ممنون أقدم ماي عيني
    وروحي وكلبي أوديهن بديَ
    ]مجهول الهوية[
    وحك رصعت خدودك وحك شفتك
    أنسبيت بيوم وصط الروح شفتك
    بعد شرتاح شخلص ولك شفتك
    تكرب تبتعد نفس الأذية

    (جبار رشيد)


    عدل سابقا من قبل عمار الحامد في 2010-07-09, 12:40 am عدل 2 مرات (السبب : عدم الترتيب)


    _________________
    "آه لو تدري حبيبي...كيف أيامي بدونك...تسرك العمر وتفوت"

      الوقت/التاريخ الآن هو 2017-09-27, 4:07 am