شعر شعبي عراقي


عزيزي الزائر / عزيزتي الزائرة
يرجى التفضل بتسجيل الدخول إذا كنت عضوا معنا
أو التسجيل إن لم تكن عضوا وترغب في الأنضمام الى أسرة المنتدى
وسنتشرف بتسجيلك
[right]أسرة المنتدى[/right

منتدى يختص بشؤون وشجون الأدب الشعبي العراقي.


    (صوت الشمس) للشاعر جبار رشيد

    شاطر

    Admin
    Admin

    عدد المساهمات : 36
    السٌّمعَة : 2
    تاريخ التسجيل : 04/05/2010
    الموقع : شعر شعبي عراقي

    (صوت الشمس) للشاعر جبار رشيد

    مُساهمة من طرف Admin في 2010-07-09, 3:51 pm

    السلام عليكم

    هذه قصيدة للمبدع(جبار رشيد)أتمنى أن تنال أعجابكم









    كلمن باصله يعمل لازم إيعلموه

    اهله اعله الوفه

    وبالصبر يتحلّه…

    * * * *

    ويگلوله الجفوف اطيح الفنجان

    ومن چف الجمر

    ماتوگع الدله…

    * * * *

    التگوده من اديه لتگله انه امدليك

    خاف ايمن عليك

    ايگوم يتبلــه

    * * * *

    اليگلك چنت لتسمعه لمن چان

    مومن الفعل

    من الحچي تمله!!

    سيفه البالحرب عصة متاع ايصير

    زحمه بين اخوته

    وبالشقه ايسله!!

    * * * *

    الحر حر الطبع لتغرك الأشكال

    وميذل العبد

    لو مارضع ذله…

    لدّور نزاهه بروح مثل ابليس

    اتگلبه اشماتگلبه

    بكل طرف خلّه

    * * * *

    تره الطيب گلب لوروحه دوله وجيش

    والله بكلمه طيبه

    بلحظه تحتــله!!

    * * * *

    وامشي اويَ اليحبك مثل ميماشيك

    وبلحظة غضب

    لا تحسب الزله..

    * * * *

    احسب باجرك لتگول بس اليوم

    اكَل الهذا هيچ

    وذاك ماكَلــه

    * * * *

    باچر بس ورق من يمشن الأقلام

    وتبقه شخله هذا..

    وهذا اله اشخله

    * * * *

    الماضاگ العنب بالعزه ماخسران

    وعمت عينه بمذله

    التارس السّلــه

    * * * *

    لاتركض عبث والحلم بالتكوين

    حلم الماوصــل

    لتروح توصلــه…

    * * * *

    واخلف شورهم گلهم خذيت الشور

    العقل من غير شورك

    غلــط تقبلّــه!!

    * * * *

    السمع صوت الشمس يندلها تطلع وين

    ودرب صوت الشمس

    عميــان تندلـــه

    * * * *

    ولتظل تلتفت مره اعله هذا وذاك

    وتشد لهذا راس

    وذاك اله اتفلــه

    * * * *

    يم باب الصبح لتاني يطلع نور

    لوتمشي بستر لو گوة

    تدخلّــــــه

    * * * *

    صوتك مو چذب لاتشتريله اجناح

    وبلسان الصدگ

    للغيم يتعلّــه…

    * * * *

    انته البيك واضح بس عقول الناس

    تريد ابچف غموض

    الواضح تحلـــه

    * * * *

    ظل انته اعله حالك هذا حالك دوم

    ضميرك بيه ملك

    واعليك يتولّــه

    * * * *

    والبروحه جبل ميهمه من اتصير

    تله وجوه رجله

    من امده التلــه

    * * * *

    والمخلص العمر خطواته بالصعبات

    ميتوسل شدد

    بالصعبه تسهلّه…

    * * * *

    الشمع لو يبقه طافي الظلمه ماتگضيه

    شعل راسه بضوه

    ويدري الضوه ايسلّه!!

    * * * *

    ولمن تشتعل لتگول بيه النــــــار

    واليسـألك اشلونك

    تدري شتگلــــه؟!

    * * * *

    گله اهنانه ضلي وآنه ظل هناك

    ونار اليشتعل

    متين بضلــه

    * * * *

    وانته اتعلمت من يوم عشر اسنين

    الوكت خيط المصايب

    وانته تغزلّـــــه…

    * * * *

    ولأن ضايگ تعبها وشايف اللوعات

    المصايب ماتهزك

    بيهه تتسلّــــه!!

    * * * *

    يالمعاشر اشد اثنين للأنســــــــــان

    اذا چلن عليــــه

    يگضن عليه كلـــه..

    * * * *

    العشگ كض الفقر سولف عليك هواي

    وگلّه اشگد تعب بس

    ماتـــرك خــله!!

    * * * *

    ذنبك ماعفتهم ذنبك العافـــــوك

    وانته بــلاذنب

    بس للذنب صلّه

    * * * *

    گلبك بيه حرب ميسكنه ياهو الچان

    ظـل بس الگدر

    والماگدر ولَـــه

    * * * *

    وجرحك مايفز الّه اعله صوت احباب

    واذا ماصح محب

    مايشتكي العلّه !!




    كلمن باصله يعمل لازم إيعلموه

    اهله اعله الوفه

    وبالصبر يتحلّه…

    * * * *

    ويگلوله الجفوف اطيح الفنجان

    ومن چف الجمر

    ماتوگع الدله…

    * * * *

    التگوده من اديه لتگله انه امدليك

    خاف ايمن عليك

    ايگوم يتبلــه

    * * * *

    اليگلك چنت لتسمعه لمن چان

    مومن الفعل

    من الحچي اتمله!!

    سيفه البالحرب عصة متاع ايصير

    زحمه بين اخوته

    وبالشقه ايسله!!

    * * * *

    الحر حر الطبع لتغرك الأشكال

    وميذل العبد

    لو مارضع ذله…

    لدّور نزاهه بروح مثل ابليس

    اتگلبه اشماتگلبه

    بكل طرف خلّه

    * * * *

    تره الطيب گلب لوروحه دوله وجيش

    والله بكلمه طيبه

    بلحظه تحتــله!!

    * * * *

    وامشي اويَ اليحبك مثل ميماشيك

    وبلحظة غضب

    لا تحسب الزله..

    * * * *

    احسب باجرك لتگول بس اليوم

    اكَل الهذا هيچ

    وذاك ماكَلــه

    * * * *

    باچر بس ورق من يمشن الأقلام

    وتبقه شخله هذا..

    وهذا اله اشخله

    * * * *

    الماضاگ العنب بالعزه ماخسران

    وعمت عينه بمذله

    التارس السّلــه

    * * * *

    لاتركض عبث والحلم بالتكوين

    حلم الماوصــل

    لتروح توصلــه…

    * * * *

    واخلف شورهم گلهم خذيت الشور

    العقل من غير شورك

    غلــط تقبلّــه!!

    * * * *

    السمع صوت الشمس يندلها تطلع وين

    ودرب صوت الشمس

    عميــان تندلـــه

    * * * *

    ولتظل تلتفت مره اعله هذا وذاك

    وتشد لهذا راس

    وذاك اله اتفلــه

    * * * *

    يم باب الصبح لتاني يطلع نور

    لوتمشي بستر لو گوة

    تدخلّــــــه

    * * * *

    صوتك مو چذب لاتشتريله اجناح

    وبلسان الصدگ

    للغيم يتعلّــه…

    * * * *

    انته البيك واضح بس عقول الناس

    تريد ابچف غموض

    الواضح تحلـــه

    * * * *

    ظل انته اعله حالك هذا حالك دوم

    ضميرك بيه ملك

    واعليك يتولّــه

    * * * *

    والبروحه جبل ميهمه من اتصير

    تله وجوه رجله

    من امدَه التلــه

    * * * *

    والمخلص العمر خطواته بالصعبات

    ميتوسل شدد

    بالصعبه تسهلّه…

    * * * *

    الشمع لو يبقه طافي الظلمه ماتگضيه

    شعل راسه بضوه

    ويدري الضوه ايسلّه!!

    * * * *

    ولمن تشتعل لتگول بيه النــــــار

    واليسـألك اشلونك

    تدري شتگلــــه؟!

    * * * *

    گله اهنانه ضلي وآنه ظل هناك

    ونار اليشتعل

    متين بضلــه

    * * * *

    وانته اتعلمت من يوم عشر اسنين

    الوكت خيط المصايب

    وانته تغزلّـــــه…

    * * * *

    ولأن ضايگ تعبها وشايف اللوعات

    المصايب ماتهزك

    بيهه تتسلّــــه!!

    * * * *

    يالمعاشر أشد اثنين للأنســــــــــان

    اذا چلن عليــــه

    يگضن عليه كلـــه..

    * * * *

    العشگ كض الفقر سولف عليك هواي

    وگلّه اشگد تعب بس

    ماتـــرك خــله!!

    * * * *

    ذنبك ماعفتهم ذنبك العافـــــوك

    وانته بــلاذنب

    بس للذنب صلّه

    * * * *

    گلبك بيه حرب ميسكنه ياهو الچان

    ظـل بس الگدر

    والماگدر ولَـــه

    * * * *

    وجرحك مايفز إلاَ اعله صوت احباب

    واذا ماصح محب

    مايشتكي العلّه !!

      الوقت/التاريخ الآن هو 2017-11-20, 11:28 pm