شعر شعبي عراقي


عزيزي الزائر / عزيزتي الزائرة
يرجى التفضل بتسجيل الدخول إذا كنت عضوا معنا
أو التسجيل إن لم تكن عضوا وترغب في الأنضمام الى أسرة المنتدى
وسنتشرف بتسجيلك
[right]أسرة المنتدى[/right

منتدى يختص بشؤون وشجون الأدب الشعبي العراقي.


    قصيدة(إلى طالبة) للشاعر (محمد الكعبي)

    شاطر

    Admin
    Admin

    عدد المساهمات : 36
    السٌّمعَة : 2
    تاريخ التسجيل : 04/05/2010
    الموقع : شعر شعبي عراقي

    قصيدة(إلى طالبة) للشاعر (محمد الكعبي)

    مُساهمة من طرف Admin في 2010-07-09, 11:57 pm


    السلام عليكم

    هذه قصيدة غزلية رائعة للشاعر(محمد الكعبي)

    أتمنى أن تعجبكم




    ماشايف مثل طولج بعد ماشوف واقنع عيني بيش وتقنع وترضه
    وانت يغازلج ضلج لمن تمشين وبعضه يلوم بعضه وياكل ببعضه
    كبلج ما جنت شاعر غزل معروف ولا كبلج دروا بيه الغرام امضه
    الشعر البي رفض ويرددونه الناس من خزرة عيونج يستلم رفضه
    يالكلج براءة وكلشي يلصف بيج وتشوفج عيون الناس المغمضه
    الشارع بي صداع يصير من تمشين وطوله يكوم يفتر يردم بعرضه
    ابو الطيب يغض النظر جان يكول بس لو شاف طولج فنه اذا غضه
    المستشفى اذا يم بابهه تمرين عراضه الشوفتج تتظاهر المرضه
    خط احمر جمالج رسم فوك الكاع وحضر تجوال طولج وحده يفرضه
    الفتنه الطائفيه عيونج الحلوات عليهه احنه اختلفنه وبعد مانرضه
    الامن مايستقر وتفرضه شرطه وجيش بس بسلاح عينج نكدر نفرضه
    الفوضى البالبلد مو من سياسيين...الفوضهى البالبلد من شعرج الفوضه
    غلط احمد مطر ميغفره التاريخ لان عن لون خدج ما كتب ومضه
    كاغد ماي خدج والهوه يهز بي ومن كد رقته بالهوه مايرضه
    حضه بيج النده بخدج طبع نيشان جا بيج إشتسوي اشفافي من تحضه
    عصر النهضه داخو بيج ماشافوج وانتي الشايله بطولج الف نهضه
    يالبعنج سحر ليل الله طش الشوك وانجوم اعله خدج صاغهن فضه
    شمس حتى الشمس من تسد باب الليل تنزل على شعرج حته تتوضه
    قرضه من الشمع بالظلمه نطلب نور وانتي النور منج يستلم قرضه
    لان تعكس بياضج والبراءه البيج وحدهه المرايه تكوم تتشضه
    بالزي من اشوفج كلي اصيرن عين افض كلشي من اديه وخلكي ما فضه
    مثل الظل وراج عيوني مصلوبات ودرب الجامعه خليت بي رضه
    وزير البحث اي لازم يخلي شروط النظام الجامعه وعالمجلس يعرضه
    وايصدر قرار وكلهه تعمل بي وتنصاع العماده وتعمل بوعظه
    طولج من يمر يم الاستعلامات رئيس الجامعه يوكف صنم لحضه
    باب الجامعه من يمه لو تمشين رئيس القسم لازم يركض يكضه
    مو لجل العلم بالجامعه الطلاب علمودج تره الطلاب مكتضه
    كراج الجامعه صمته يبجي العين بس لمن تجينه تصير بي ركضه
    المحاضر بالدرس ما يحفظ الموضوع لان ملتهي برمشج رايد يحفظه
    وبالروضه خبر طش راح تتعينين وعلمودج زلم سجلت بالروضه!!!

      الوقت/التاريخ الآن هو 2017-09-27, 3:59 am