شعر شعبي عراقي


عزيزي الزائر / عزيزتي الزائرة
يرجى التفضل بتسجيل الدخول إذا كنت عضوا معنا
أو التسجيل إن لم تكن عضوا وترغب في الأنضمام الى أسرة المنتدى
وسنتشرف بتسجيلك
[right]أسرة المنتدى[/right

منتدى يختص بشؤون وشجون الأدب الشعبي العراقي.


    قصيدة(متناسبني كًلي)للشاعر( جبار رشيد)

    شاطر
    avatar
    حسناء الرشيد

    عدد المساهمات : 43
    السٌّمعَة : 5
    تاريخ التسجيل : 05/07/2010
    الموقع : Iraq

    قصيدة(متناسبني كًلي)للشاعر( جبار رشيد)

    مُساهمة من طرف حسناء الرشيد في 2010-07-11, 2:33 am

    السلام عليكم
    اليوم جبتلكم قصيدة كلش حلوة للمبدع(جبار رشيد)
    أتمنى تعجبكم



    ساكت شرد اگلك
    هو ضل السان
    عندي وبيه اسولف واعترف معجب

    شفتك من بعيد
    وخذت كلشي وياك
    انه ادري اشراح تاخذ مني من تگرب
    ***
    ما مرتاب منك
    بس احس بخوف
    وبعيونك احس كل نضرة الك مطلب

    يبو عيون الصگر
    سابينه من مرتاح
    نطي وجوهنا لا وين من تغضب

    على كيفك وياي
    وشوفني بيا حال
    تعبني العشگ ما بيَه بعد اتعب

    يابس زرع روحي
    وضامَة امن النار
    ونارك بالزرع شيكضهه من تنشب

    ***
    تحيرني البرائه
    اشما افكر بيك
    ما اعرفك صدگ وياي لو تلعب

    الغريبة البيك توك
    ما تعرف الشوك
    وشلَة حال گلبي البيك هي اغرب

    بسهل طبيت گلبي
    وما گلتلك وين
    يالشايل گلب للموت ما ينطب
    ***
    ما احبك بعدني
    وكلشي بيدك صار
    چا ..شيضل عليَ .. لو من ..صدگ تنحب

    ***
    مو مثل البشر
    لا عمي عشگك موت
    موت وشلي بيه ما منه كل مهرب

    انت الحلوة بيك
    اشگد صعب وياي
    وانه الحلوة بيه وياك ما اصعب
    ***
    متناسبني كلي
    حتى اضل مرتاح
    متناسبني اشوفن هذا حل انسب

    ما احبك لأن
    ما شفت هيچ اوصاف
    والگلك اوصفك نافق وچذب

    ***
    ملعب للجمال
    او وحدك اللاعوب
    وبحسنك صرت لاهل المثل مضرب

    وعيونك بيارغ
    هوست عالناس
    (((احنه الاسسنه الملعب واحنه النلعب بي)))
    واشحدَه اليطب وباك للملعب

    ***
    تبين من بعيد
    اشما مشوا وياك
    حجر هم وصرت من دونهم كهرب

    تسب الناس
    كل خطوة جدم عالگاع
    من تنسب اذا لتضوج من تنسب

    ****
    معقولة انت أكلك
    أكل هاي الناس
    ونفس الماي تشرب منه من تشرب

    گل لاهلك دخيلك
    خلهم ايضموك
    انت الماكو منك خاف لا تخرب

    ومن يكثر المثلك
    خلهم ايطلعوك
    بلكي اتضيع لمن بالشبه تنذب

    ***
    لتخليني احبك
    بيه الف فلاح
    يربات المدينة ارجوك لا تگرب

    طير القرية روحي
    ايخاف الولايات
    السطوح تصيح بيه لو عالمدن يچهب

    طير القرية روحي
    وما يعرف هواي
    ومن كتر البيادر من يلكط حب


    _________________
    من يغيب الشفق ليلك يبتدي... آني من تطلع شمس ليلي بده

      الوقت/التاريخ الآن هو 2017-11-20, 11:31 pm