شعر شعبي عراقي


عزيزي الزائر / عزيزتي الزائرة
يرجى التفضل بتسجيل الدخول إذا كنت عضوا معنا
أو التسجيل إن لم تكن عضوا وترغب في الأنضمام الى أسرة المنتدى
وسنتشرف بتسجيلك
[right]أسرة المنتدى[/right

منتدى يختص بشؤون وشجون الأدب الشعبي العراقي.


    قصيدة(أحب كلك) للشاعر (جبار رشيد)

    شاطر
    avatar
    حسناء الرشيد

    عدد المساهمات : 43
    السٌّمعَة : 5
    تاريخ التسجيل : 05/07/2010
    الموقع : Iraq

    قصيدة(أحب كلك) للشاعر (جبار رشيد)

    مُساهمة من طرف حسناء الرشيد في 2010-07-11, 5:19 am

    السلام عليكم

    هذه قصيدة للمبدع (جبار رشيد)

    وانشاء الله تعجبكم




    خِلّك ما صرت لوما خليلي أتصير
    وصرت خِلّي برضاتك چي صرت خِلّك
    علّمتك عليّه من الألف للياء
    تغلط بالأجابه
    وآنه أعدّلّك
    حرثت لخاطرك بالروح حرث الگاع
    بوسات أو ورد كل خلگي أشتلّك
    شمعة انته بحياتي
    أو عمري ظلمة ليل
    اشعلت روحي و خفت
    ما اشعلك ... أشعلك ... ؟؟

    خاف أسنين عمرك تحترگ بالشوگ
    أضمّلك گمت من عمري اعزلّك
    عليك اتسودنت مو بس أخاف اعليك
    أحل روحي و اكضّك خايف تحلّك
    و اغمَض من أشوفك و اخدر اعله الصوت
    غلطة انته بحياتي و صعبه ما ازلّك
    چم إبليس أطرد من يوزني اعليك
    و چم شيطان ارجمه أبروحي و اكتلّك
    ما صيرن نبي بس راهب آنه اوياك
    بآيات ألمحبه أبشوگ ارتّلّك
    شلّي بغيرك انته و ألگه مثلك وين
    و تتعب تلگه غيري بهلتعب شلّك
    ياهو العلمك و اتريد تمشي ابعيد
    سلّ الشوگ خايف باچر ايسلّك
    مثل ظلّك جنت

    * بالخطوة

    *نمشي اثنين
    مشيت انته بظلام* و ضيّعت ظلّك
    دلّيني عليك أسنين تايه بيك
    و امشي وياي ادورك خاطر أندلك
    عرّفني اعله شخصك رايد احچي وياك
    بس كلمه و بعد ما غيرهه انكلك
    وحده ... من الاثنين
    أو وحده راح اختار
    لو كلّك أحبّك
    لو أحب كلّك
    اسأل ليش احبك حته اگلك ليش
    وليش شما تسوّي وياي أقبلّك
    لحظة موت عمري اسنيني كلهن خوف
    بس اوياك أأمّن لمّن أوصلّك
    و انته آخر نفس واشگد عزيز أتصير
    و بلحظة الموت تريدنه انملّك ... ؟؟
    خيط عله الجرح باللحم صرت اوياي
    لو كلّ الجروح اتطيب ما افلّك
    تعرف كلشي بيّه و ما عرفت اشبيك
    لغز حلّك ، لغز ، من يگدر ايحلّك ... ؟
    أشرد حته اجيك و مدري ليش الخوف
    خاف تخاف مني بسدّك اختّلّك
    مثل ظلّك أظل و الليل يگضي الليل
    و من تطلع شمس من طولك أنزلّك


    _________________
    من يغيب الشفق ليلك يبتدي... آني من تطلع شمس ليلي بده

      الوقت/التاريخ الآن هو 2017-09-27, 4:07 am