شعر شعبي عراقي


عزيزي الزائر / عزيزتي الزائرة
يرجى التفضل بتسجيل الدخول إذا كنت عضوا معنا
أو التسجيل إن لم تكن عضوا وترغب في الأنضمام الى أسرة المنتدى
وسنتشرف بتسجيلك
[right]أسرة المنتدى[/right

منتدى يختص بشؤون وشجون الأدب الشعبي العراقي.


    قصيدة(منين اجيت) للشاعر (جبار رشيد)

    شاطر
    avatar
    خط وهمي

    عدد المساهمات : 35
    السٌّمعَة : 1
    تاريخ التسجيل : 22/06/2010
    العمر : 35
    الموقع : Iraq

    قصيدة(منين اجيت) للشاعر (جبار رشيد)

    مُساهمة من طرف خط وهمي في 2010-07-12, 8:25 pm

    السلام عليكم
    هذه واحدة من قصائد المبدع(جبار رشيد)
    أتمنى أن تعجبكم




    الدنيه مو دنية عشگ يبن الحلال
    لا اتخلينه بمحبتك ننجبر
    انت ابن العافية وابن الدلال
    واحنه ولد الموت ربانه الفقر
    بينَه وبينك فرق كلش چبير
    وما نگول اسباب كل هذا الفرق
    وما نكمل السالفة الحد الاخير
    امن الأساس وياك مسدودة الطرق
    وياك ما نرهم وما ترهم محال
    ويانه ما تگدر تدوم وتستمر
    وباهو گلك بالسهل درب الوصال
    وانت تدري دروبنة امورثة جمر
    ***********
    ***********
    منين اجيت وبالعشگ عندك يقين
    منين اجيت وياهو سوّالك درب
    انطيني مهلة وخل اشوفن وضعي زين
    وخل اشوف انوب هم أگدر احب
    گلبي تيّهته وشرد ما أدري وين
    وانه صار اسنين ما عندي گلب
    وخالي گلبك وانت بعيونك جمال
    كل جمال الكون يمك يعتذر
    نبع شفتك يعني كلماتك زلال
    والعطش بالروح تارك جم فطر
    ******
    منين اجيبنلك خلگ يرهم عليك
    وانت آية امن الحسن واحلى الدلع
    وانه يا فرحة الاحطهه ابين اديك
    وانه بچفوفي عمر شلت الوجع
    حتى ما عندي ابتسامة امنرد اجيك
    وليش تشلع گلبك بگلب انشلع
    وليش تطلع خاسر ومشلول حال
    وتترك الضحكة وعليمن تنقهر
    راجع افكارك بعد عندك مجال
    ليش بيه تريد گلبك ينكسر
    **********
    *********
    ادري بيك تحبني ما داعي الكلام
    وادري بدموعك صدگ تبچيلي
    من تجيني لا تكلمني بغرام
    عفية عوف الشوگ لا تحچيلي
    انه ليلي بلاية واهس ما انام
    اشلون لو صرت انت واهس ليلي
    واشلون لو حبيت شكلك والخصال
    واشلون لو باچر تروح وتعتذر
    هم ترد لمن اگلّلك تعال
    وتنتضر لمن اگلك انتضر
    **********
    **********
    احنه عدنه الحب يعني الحب عذاب
    ولازم امن انحب نذب بالحب فلك
    ولازم انحب باب بيتك والتراب
    ونحب كلشي العايد وراجع الك
    ونحب ناسك كلها شيب اويه الشباب
    ولازم انحب كل عمامك وي هلك
    ولازم انحبك نحب الخال خال
    وكل هذني شوية لتگول اشكثر
    احنه ما عدنه العشك صفنة وخيال
    احنه من نحب نطگ وننفجر
    **********
    **********
    انخاف من حبك لأن حبك جديد
    ذهب چنه وياهو اليشوفه انعجب
    والمشاعر (فقرة) (معضدهه) حديد
    وانت يم (الفقرة) لا اتطلع الذهب
    وياك ما نصقل بعد لا ما نعيد
    عوفنه ولتگول بينولي السبب
    احنه ما عدنه جواب لأي سؤال
    لان من شفناك تيهنه الفكر
    هم شفت فد يوم گالو للدلال
    ليش متحملة حضن نار الجمر
    الدنية مو دنية عشگ يبن الحلال
    لا اتخلينه بمحبتك ننجبر
    انت ابن العافية وابن الدلال
    واحنه ولد الموت ربانه الفقر


    _________________
    "آه لو تدري حبيبي...كيف أيامي بدونك...تسرك العمر وتفوت"

      الوقت/التاريخ الآن هو 2017-11-20, 11:25 pm