شعر شعبي عراقي


عزيزي الزائر / عزيزتي الزائرة
يرجى التفضل بتسجيل الدخول إذا كنت عضوا معنا
أو التسجيل إن لم تكن عضوا وترغب في الأنضمام الى أسرة المنتدى
وسنتشرف بتسجيلك
[right]أسرة المنتدى[/right

منتدى يختص بشؤون وشجون الأدب الشعبي العراقي.


    قصيدة للشاعر (علي الفريداوي)

    شاطر
    avatar
    حسناء الرشيد

    عدد المساهمات : 43
    السٌّمعَة : 5
    تاريخ التسجيل : 05/07/2010
    الموقع : Iraq

    قصيدة للشاعر (علي الفريداوي)

    مُساهمة من طرف حسناء الرشيد في 2010-07-12, 8:33 pm

    السلام عليكم

    اليوم جبتلكم قصيدة كلش حلوة للشاعر المبدع (علي الفريداوي)
    وأنشاء الله راح تعجبكم مثل ما عجبتني




    أحبك حب فلا موجود بالناس
    بحيث اتصورك مرات عيني
    ولهذا أشوفك وين ما كان
    وما يفرق تجيني ...ما تجيني
    وأمس واني أكلب بالجروح النايمه امن العام
    فزّ بيناتهن جرحك
    وبلايه وعي اتبللت عيني دموع
    وبلايه وعي امن الضيم كمت اضحك
    لغز جامع ضحك وافراح
    يصعب عالبشر شرحك
    وشريط الذكريات براسي كام ايدور
    ونوارس ذكرياتك فوكنه افترت
    واشتاكيتلك جن امس متحاجين
    مو جنهه سنه المرت
    وأبسط ذكرياتك مرت اعله البال
    واتذكرت كلشي الجان يجمعنه
    من جنّه نسولف بالعيون اشكال
    وتخاف اعيونه الحيطان تسمعنه
    من جنه ابوزن ريشة ابمهب الريح
    وايسلطن الواهس فوك يرفعنه
    واني وصفنتي وهمي
    واتمنيت لو هسه تجي يمي
    وتكعد تمتحني بكل شبر عنك
    أذكر كلشي كلته وكلشي ما مكيول
    وأذكر لو حرف سهوا وكع منك
    وأدور عاليشبهك واحجي وياه
    وأغمّض واحس روحي كمت احاجيك
    وكل ساعه اغلط بأسمك واسميه
    واحلف بعد ما أغلط واسميك
    اليشبهك يبتلي بلوه اني أبليه
    مثل ما جنت بلوه اني باليك
    أظل من كلبي اطلعله مواضيع
    واقراله مثل ما جنت اقريك
    واخلي روحي كوه ترتبط بيه
    وانه شما كلبّتني مرتبط بيك


    _________________
    من يغيب الشفق ليلك يبتدي... آني من تطلع شمس ليلي بده

      الوقت/التاريخ الآن هو 2017-09-27, 4:06 am