شعر شعبي عراقي


عزيزي الزائر / عزيزتي الزائرة
يرجى التفضل بتسجيل الدخول إذا كنت عضوا معنا
أو التسجيل إن لم تكن عضوا وترغب في الأنضمام الى أسرة المنتدى
وسنتشرف بتسجيلك
[right]أسرة المنتدى[/right

منتدى يختص بشؤون وشجون الأدب الشعبي العراقي.


    قصيدة(نذرنالك) للشاعر (جبار رشيد)

    شاطر
    avatar
    حسناء الرشيد

    عدد المساهمات : 43
    السٌّمعَة : 5
    تاريخ التسجيل : 05/07/2010
    الموقع : Iraq

    قصيدة(نذرنالك) للشاعر (جبار رشيد)

    مُساهمة من طرف حسناء الرشيد في 2010-07-16, 6:39 am

    السلام عليكم
    هذه واحدة من قصائد المبدع (جبار رشيد)
    أتمنى أن تنال أستحسانكم



    أيام البعد جبناهه صفنــــات

    بيــــن آمالنه

    وحيرة امرنه

    تجي لوما تجي گضينه الأيام

    وصرنه وياهو يدري

    شلون صرنه؟!!

    صبرنه متاع صار وبعدك بعيد

    وتجوع ايامنه

    وتاكل صبرنه ..

    شبعد يالماتمرّ مو كافي الغياب

    وصار اهواي ننتظرك تمرنه …

    ونذرنالك تجي وندعيلك اتعود

    وعمت سچينّه

    وشيّب نذرنــــه

    وعلى غيرك چذب ماترهم الروح

    ومن غيرك يسد حاجة نظرنــه

    يابن الناس غيرك…

    ماكو موضوع…

    وهلبت بالچذب شخصك ذكرنه

    نسولف بيك…

    لآخر لحظه بالليل

    وترد من الصبح تشغل فكرنـــه

    ماعنّت عليك

    بساعة غروب…

    روحك واشتهت تسمع خبرنـــه

    ياروح الگلب

    ياعزة الروح…

    يادمعاتنه وهمنه وسهـــــــرنـــه

    ياأول عهد…

    ياتالي الايــــــام

    يلعب اصبانه ياشيبة كبرنـــــــه

    اشگد گبلك مشوا

    ما سلّوا الروح

    ولابغيابهم كســــــروا ظهرنـــه

    البعد نيران كبره…

    ايبخر الدموع

    وبس ايزود يتبخر بصرنـــــه

    منين انجيب مثلك

    حتى ننساك!!

    ومنو المثلك يعوضك لوخسرنه

    الشبه كل اربعين ..

    احچايه تنگال

    واذا واحد يصح جان انتظرنه

    تعال الجرح..

    جن ومارضه يهيد!!

    وحچينه وياه ماينفع عذرنـــــه

    يشگ روحه اعله

    طوله وينكت جروح …

    وگضينه اخيوطنه وملّت أبرنه

    شوكت يندگ علينه

    ويضحك الباب…

    ويترس بيتنه وصوتك يسرنه

    وترد انته ويجن

    الراحن وياك…

    وتجيبه وياك يا لماخذعمرنه


    _________________
    من يغيب الشفق ليلك يبتدي... آني من تطلع شمس ليلي بده

      الوقت/التاريخ الآن هو 2017-11-20, 11:35 pm