شعر شعبي عراقي


عزيزي الزائر / عزيزتي الزائرة
يرجى التفضل بتسجيل الدخول إذا كنت عضوا معنا
أو التسجيل إن لم تكن عضوا وترغب في الأنضمام الى أسرة المنتدى
وسنتشرف بتسجيلك
[right]أسرة المنتدى[/right

منتدى يختص بشؤون وشجون الأدب الشعبي العراقي.


    قصيدة (دمع تمساح) للشاعر (كاظم اسماعيل الكاطع)

    شاطر

    Admin
    Admin

    عدد المساهمات : 36
    السٌّمعَة : 2
    تاريخ التسجيل : 04/05/2010
    الموقع : شعر شعبي عراقي

    قصيدة (دمع تمساح) للشاعر (كاظم اسماعيل الكاطع)

    مُساهمة من طرف Admin في 2010-07-17, 5:58 am

    السلام عليكم
    اليوم جبتلكم مقطع من قصيدة (دمع تمساح) للشاعر العملاق (كاظم اسماعيل الكاطع)
    أتمنى تعجبكم



    كبل سنتين ...ماتت ضحكة ايامي...وجفن حسرات لف روحي ولياليهه...
    كبل سنتين... والفرحة خذاهه الروج بكتاره...
    وصل شاطي الضياع وغرك صاريهه...وجه امسيّس ونين الشوك...
    شك روحي ونزل بيهه...قفلت العين والعشرة....ولا رفّ الجفن من خطف طاريهه...
    نستني وكلت ناسيهه....ولا ردّن واطش باجي العمر شوباش للجيّه....
    شرّد...؟؟؟؟...وانتي الكبل سنتين عفتي الروح...لا للموت ...لا ليّه...
    يالذبّج قطار الضيم...كلبي مو محطة ايشيل عبريّه...
    ولا ردّن...واطّش باجي العمر شوباش للجيّه...
    شريد اذكر...؟؟؟؟...ودخان الجكاير زنجر ابصدري....وعشت عمري ابفرد ريّه....
    ولو فززتي بعيوني ...حنين ايام منسيه....
    ولو فرشيتي بدروبي ....عذاب اوراق مطويّه...
    ولو يبجي العطش بيدي...لجن مايج ولا شربة ركد دمي ابشواطيّه....
    ولو تبجي مكاتيبج....انه اقره حروفهه بعيني...لجنهه ابكلبي منسيّه...
    ولو دمعة حسافه اتوسدت خدج...ولا حطّن اجفوفي الدمعة التمساح جفيّه...
    يالذبّج قطار الليل ...كلبي مو محطه ايشيل عبريّه....

      الوقت/التاريخ الآن هو 2017-09-27, 4:03 am