شعر شعبي عراقي


عزيزي الزائر / عزيزتي الزائرة
يرجى التفضل بتسجيل الدخول إذا كنت عضوا معنا
أو التسجيل إن لم تكن عضوا وترغب في الأنضمام الى أسرة المنتدى
وسنتشرف بتسجيلك
[right]أسرة المنتدى[/right

منتدى يختص بشؤون وشجون الأدب الشعبي العراقي.


    قصيدة (عذابك) للشاعر (رائد أبو فتيان)

    شاطر
    avatar
    خط وهمي

    عدد المساهمات : 35
    السٌّمعَة : 1
    تاريخ التسجيل : 22/06/2010
    العمر : 35
    الموقع : Iraq

    قصيدة (عذابك) للشاعر (رائد أبو فتيان)

    مُساهمة من طرف خط وهمي في 2010-07-17, 11:12 pm

    السلام عليكم
    اليوم جبتلكم قصيدة للشاعر الشاب (رائد أبو فتيان)
    أتمنى تعجبكم



    عذابك من مطر وانه الارض وياك
    اوغصباَ عالارض ماي المطر تجرع

    صرت لجلك وتر واعزف گلت شتريد
    خـنـجـر صرت تـطرب وانـه لتـگطع

    يـلمـريـگ أذانـك مـن نـغم فـيـروز
    أنه امـريـگ اذانـي ابـطبـّة المدفع

    مـعـقوله حـديد الـسانك ايـصب ضـيم
    سـجاجـيـن ابـكلامـك اتـطبـّر المـسمـع

    بسـك شـوف صـدري الدم صبح شلال
    اومـن كبـر الجرح من عنده گمت اطلع

    اومـن اتـرخصت حسـبالي راح اتروح
    شـلعت الگلب بيـدك جـي گلت غـالـي

    جـان ابلـون گلبـك شعـري اسـود شاب
    صـبغته اخيـالي شـيب شصـبغ خـيالي

    مو كلـشي التـرف كتـلك تـعب مـريـود
    تـره الشـيطان گـبـلك يـامـا غـنّـالي

    صرت سباح بعدك وانت صرت اورود
    وانـت التـنـگطع وآنـه ابـقـى للتـالـي

    اسـاس انـي واشّـد گـد ماغميجه الگاع
    اوريـشه انـت اشمتعله النسمتك تخضع

    التـمر لتـشوفه عـالـي الفـضل للسـبـاح
    لـذلك عـالـجـذع تـالـي السـعـف يـركع

    فزعت اويه الشماته اوسهله عندك هاي
    بـس صـعبـه الشـمـاته ابيوم الك تفزع

    لـتـغـريني بـحنانك وانـت جسـمـك نـاب
    اذا أمـنـت لــحـمـي ويـاك يــتــگـطــع

    ريـل اشـواگ امـرك وانـتـه لـتـماديـت
    من فـاتـك تـصيـحـه اتـريـده الك يرجع

    لــو يـرجـع زمـانـك ريــلـي مـايـرجـع


    _________________
    "آه لو تدري حبيبي...كيف أيامي بدونك...تسرك العمر وتفوت"

    Admin
    Admin

    عدد المساهمات : 36
    السٌّمعَة : 2
    تاريخ التسجيل : 04/05/2010
    الموقع : شعر شعبي عراقي

    رد: قصيدة (عذابك) للشاعر (رائد أبو فتيان)

    مُساهمة من طرف Admin في 2010-07-18, 5:50 am

    السلام عليكم
    مشكور على هذه المساهمة الجميلة وأتمنى لك دوام التواصل والأبداع

      الوقت/التاريخ الآن هو 2017-11-20, 11:33 pm