شعر شعبي عراقي


عزيزي الزائر / عزيزتي الزائرة
يرجى التفضل بتسجيل الدخول إذا كنت عضوا معنا
أو التسجيل إن لم تكن عضوا وترغب في الأنضمام الى أسرة المنتدى
وسنتشرف بتسجيلك
[right]أسرة المنتدى[/right

منتدى يختص بشؤون وشجون الأدب الشعبي العراقي.


    قصيدة للشاعر (رائد أبو فتيان)

    شاطر
    avatar
    خط وهمي

    عدد المساهمات : 35
    السٌّمعَة : 1
    تاريخ التسجيل : 22/06/2010
    العمر : 35
    الموقع : Iraq

    قصيدة للشاعر (رائد أبو فتيان)

    مُساهمة من طرف خط وهمي في 2010-07-17, 11:21 pm

    السلام عليكم
    هذه واحدة من قصائد الشاعر الشاب (رائد أبو فتيان)
    أتمنى أن تنال استحسانكم


    شاعر مو جبير من الفقر عريان

    ولأن كد الشعر صار الشعر كدي

    شاعر من احن واكتب حنين الهور

    ابلا (طين) بورقتي ايخضّر البردي

    أنه العلتي جبيره ومو كبر معقول

    اذا للكندي افوت اتقبّط الكندي

    وهارب يا وطن مو منك امن الموت

    ومتت وانه بلساني تهون .... وتعدي

    لكن لو صحت غيرتي تطكَ الراس

    وكل شعره اعله راسي اتصيرلك جندي


    *.*.*.*.*.*.*.*.*.*


    وأذا تزرع بشر لتشوفه مشتول

    وأحصد بالأدب مو بالمناجل

    درس خلاني عايش عمري مكتول

    وأضهر للحقيقه بثوب كاتل

    كَبل جتفي وطن ومحمل اجبال

    هسه الشايل اثكل وامشي مايل

    طلع اكبر حجم من الشضايات

    تمثال الرصافي بصدري خاتل

    وكت صاير نجف وعراق تابوت

    وجثه بنصه ممتده الأرامل

    جاعت هالأرض وحلوكَهه كَبور

    رخص لحم العراقي وبينه تاكل

    أنهض ياوطن مو صرنه فرهود

    نزرع بالجنان ونار ناكل

    ب(اللوفر) تطب ماتلكه الآثار

    بالجامات خلّوا حته بابل

    بدولاب الهوه وحدك فروك

    الفارغ فوكَ يصعد وانته نازل

    بعد عندك زلم تتنفس الموت

    وتشكَ وجه الشمس لمن تقاتل

    غيرتنه انبنت ويه الحياطين

    ومن نوكَع تهد النه المنازل

    شكَول وغيرتك طافت بالاطيوف

    بما لا يعقل احجي وانه عاقل

    انه بعيني شفت من طارت الكَاع

    تشيل احجار وتطير البلابل

    انه الشايل طموح إيجيب النجوم

    كتبوا فوكَ كَصتي أنسان فاشل

    عراقي و مو عراقي شلون ماجان

    مو البطون تطلكَني الزلازل

    اخوي آنه الشهيد الضحّه للكَاع

    وأمي اللاكَته بدمع وهلاهل

    وابوي الشال بعيونه الدواوين

    لذلك لو بجه توكَع مراجل

    شوكت يرجع الأمان ونوعدك بيه

    من المهدي يضهر للمقاتل

    *.*.*.*.*.*.*.*.*.*


    _________________
    "آه لو تدري حبيبي...كيف أيامي بدونك...تسرك العمر وتفوت"

      الوقت/التاريخ الآن هو 2017-11-20, 11:33 pm