شعر شعبي عراقي


عزيزي الزائر / عزيزتي الزائرة
يرجى التفضل بتسجيل الدخول إذا كنت عضوا معنا
أو التسجيل إن لم تكن عضوا وترغب في الأنضمام الى أسرة المنتدى
وسنتشرف بتسجيلك
[right]أسرة المنتدى[/right

منتدى يختص بشؤون وشجون الأدب الشعبي العراقي.


    قصيدة(موت أحمر) للشاعر (رائد أبو فتيان)

    شاطر
    avatar
    خط وهمي

    عدد المساهمات : 35
    السٌّمعَة : 1
    تاريخ التسجيل : 22/06/2010
    العمر : 35
    الموقع : Iraq

    قصيدة(موت أحمر) للشاعر (رائد أبو فتيان)

    مُساهمة من طرف خط وهمي في 2010-07-17, 11:30 pm

    السلام عليكم
    اليوم جبتلكم قصيدة كلش حلوة للشاعر الشاب(رائد أبو فتيان)
    وانشاء الله راح تعجبكم


    من ثوب الوفه انشك بالخيانة البيك
    وغرورك صار قائد ثورة التفكير

    بصريح القول ابد مادوريت أعذار
    انتهينه وأكدّت ماخانّي التعبير

    اعرفك بير لكن مااطخلك راس
    اذا راضع سراب منين ماي ادّير

    مامجبور ادنّك بس اصيح بصوت
    اذا يرجع صدى معناهه خالي البير

    بدون ايعاز عقلي الايد هي تروح
    اتكلب بالصور والحيرة بيه اتحير

    خذتني الصورة جنت وياك ايد بأيد
    ضاجت حلت ايدك حتى بالتصوير

    كاتلني الفراش شلون عنده اخلاق
    وردت طبعك تبدلة ومثل طبعه تصير

    مايجرح الوردة وعنهه يعله هواي
    متواضع تره الفراش ناصي يطير

    مثل لمة فخاتي عضاي يالطاريك
    صكر وشما يمرني اعضاي تتطشر

    جرح تلعب بروحي وماهديت بيوم
    اضطراب بجسمي عايش تكبر وتصغر

    حلم وردي جنيتك كلت راح ارتاح
    بس طوّخته حيل وصار موت احمر!

    كطن خظّر براسي وفحم شعرك صار
    وضحكت الشمس من كتلي شيب اسمر

    الفلسفة الهلا والملكه عندك حيل
    وانه اعرف بس خواصر مشتهه الخنجر

    ضاع وياك تعبي وانت شخصك ضاع

    وافضالي مشت مجهولة ماتذكر

    لأن اسم السهر مرتبط بس بالليل
    الشمس متنام ابد لكنهه ماتسهر!

    وتكلي اكلبلي ورقة وهي ورقة موت
    اكلبهه وترد وبروحي تتعثر

    كلبت اوراق ياما وصخمتهه وشوف
    بعد ياصفحة نكلب خلص الدفتر!


    _________________
    "آه لو تدري حبيبي...كيف أيامي بدونك...تسرك العمر وتفوت"

      الوقت/التاريخ الآن هو 2017-11-20, 11:27 pm