شعر شعبي عراقي


عزيزي الزائر / عزيزتي الزائرة
يرجى التفضل بتسجيل الدخول إذا كنت عضوا معنا
أو التسجيل إن لم تكن عضوا وترغب في الأنضمام الى أسرة المنتدى
وسنتشرف بتسجيلك
[right]أسرة المنتدى[/right

منتدى يختص بشؤون وشجون الأدب الشعبي العراقي.


    قصيدة (لا تتمنه) للشاعر الكبير (عريان السيد خلف)

    شاطر

    Admin
    Admin

    عدد المساهمات : 36
    السٌّمعَة : 2
    تاريخ التسجيل : 04/05/2010
    الموقع : شعر شعبي عراقي

    قصيدة (لا تتمنه) للشاعر الكبير (عريان السيد خلف)

    مُساهمة من طرف Admin في 2010-07-22, 7:36 am

    السلام عليكم
    اليوم جبتلكم قصيدة كلش حلوة للشاعر الكبير (عريان السيد خلف)
    وانشاء الله راح تعجبكم



    لا تتمنه...يا كلبي لاتتمنه...
    ما طول جافانه الهوه وبطّلنه....
    لا عين ظلّت خاليه ولا ظل ولف يتعنّه...
    لا تدك يالدكك قهر مقفول باب الجنه....
    وهينوب ما مش ظنّه...
    آه يا وكتنه الماصفت نيته وزرك عيننّه...
    وطحنه ابوسط شلوة هفه وكل ذيب يبرد سنّه...
    ردنه نكف وانهوش نحمي الروح ما أمجنّه....
    وانت ابجلادة عين صحت: اكلنّه....
    وما طول راضي ابموتنه ...استاطنّه....
    آه يا خسارة نوحنه ويا رخص ذيج الونّه...
    ردفن علينه اسهامكم ....واعله الصبر دامنّه....
    لا إحنه للدنيه صفينه ....ولا هوه الدنيه النه....
    متبدل ابطبعه الوكت ...لو أحنه التبدلنه..؟؟؟؟
    آه يا هواهم باول ايامه شكثر دلّلنه....
    ومن وصل طينتهه الظهر ...كلهه تبرت منّه....
    لا سالفه ابشفة محب...لا عاذل اليعذلنه...
    أوحشّت دنيانه وصفت...جنهه أبد موش النه....
    متبدل ابطبعه الوكت ...لو أحنه التبدلنه....؟؟؟

      الوقت/التاريخ الآن هو 2017-09-27, 4:06 am